هەموومان لە کۆلێجی پزیشکیی ددان/ زانکۆی سلێمانی، شانازی دەکەین بەو هەموو خەڵکە دڵسۆزەی لامانە، بەشێوەیەک هەموان وەک یەک تیم هەڵدەستین بە خزمەتکردنی چارەخوازانی خۆشەویست.

بۆیە لێرەدا، وەک ڕاگرایەتی کۆلێج خۆمان بەخۆشحاڵ دەزانین، پێتان ڕابگەێنین کە بە پێی ڕانکینی سایماگۆ ( Scimago ) کۆلێجەکەمان لەسەر ئاستی عێڕاق ڕانکینی دووەمی بەدەستهێناوە لەنێوان ( ٧٠ ) کۆلێجی پزیشکیی ددانی حکومی و ئەهلی لەسەر ئاستی هەموو عێڕاق. ئێستا کۆلێجەکەمان خاوەنی ( ١٠١ ) توێژینەوەیە لەگۆڤارەکانی خاوەن فاکتەری کاریگەر. هەر لە ساڵی ٢٠٢٣ ( ١٦ ) توێژینەوەی لەو گۆڤارانەدا بڵاوکردۆتەوە. ئەمەش بۆخۆی کارێکە پێشتر نەکراوە. دیارە ئیلهامی ئەم سەرکەوتنە گرنگە سەرچاوەکەی دەگەڕێتەوە بۆ ماندونەناسی توێژەران و مامۆستایان و فەرمانبەران و خوێندکارانی خۆشەویست.

بەم بۆنەیەوە ڕاگرایەتی کۆلێج دووبارە سوپاسگوزاری و دەستخۆشی خۆی بۆ یەکە بە یەکەتان دەردەبڕێت، لەهەمان کاتدا بەرپرسیارییەتیمان زیاتر دەکات.

بە هیوای سەرکەوتنی زیاتر، هەروەها خۆشی و سەلامەتی و ئاسایی بونەوەی گوزەران بۆ مامۆستایان و فەرمانبەران و خوێندکارانی خۆشەویست.

ڕاگرایەتی کۆلێجی پزیشکیی ددان

٢١ /٩ /٠٢٣ پێنج شەممە